Сагсан бөмбөгийн 3х3 төрлийн цуврал Канадад Эдмонтон их дуулгын 2025 оны тэмцээн наймдугаар сарын 2-ноос 3-ны өдрүүдэд болж байна.

Тус тэмцээнд Монгол Улсаас Улаанбаатар ММС Энержи баг оролцож байгаа бөгөөд С хэсгийн эхний тоглолтоо АНУ-ын Миами багтай тоглож 18-21 харьцаагаар хожигдсон бол хэсгийн сүүлийн тоглолтоо Венесуэл улсын Каракас багийг 21-10 харьцаагаар хожиж хэсгээсээ хоёрдугаар байраар гарсан байна.

Улмаар хасагдах шатан А хэсгийг тэргүүлсэн Порто Рико улсын Каролино багтай өнөөдөр шөнийн 02:20 цагт тоглоно.

Манай багийн бүрэлдэхүүнд А.Ананд, Д.Дэлгэрням, О.Энхбаатар, Ц.Отгонжаргал нар тоглож байна.