$1,000,000 (3.5 тэрбум төгрөг) шагналын сантай "Intel Extreme Masters Melbourne 2025" дөрөвдүгээр сарын 21-27-ны хооронд Австралийн Мельбурн хотод дэлхийн шилдэг 16 баг оролцсо тэмцээн хоёр дахь өдрөө үргэлжиллээ.

Valve-ын хоёрдугаар сарын 25-ны чансаагаар шууд уригдсан The MongolZ тэмцээний А хэсэгт багтсан бөгөөд эхний тоглолтоо өчигдөр хийж Хойд Америкийн "Complexity" багтай тоглож 2-1 (Anubis 11-13, Ancient 16-13, Inferno 13-10) харьцаагаар хожлоо. Харин дараагийн тоглолтоо өнөөдөр /2025.04.22/ дөнгөж сая Европын холбооны "FaZe Clan" багтай (Dust 8-13, Ancient 13-16) харьцаагаар хожиж, шигшээ шатанд шалгарлаа. Тэдний шигшээ шатны эхний байрын төлөө Европын холбооны "Mouz" багтай маргааш буюу дөрөвдүгээр сарын 23-ны өдөр 14:15 цагт тоглоно.

Тэмцээний журмын тухайд багууд хоёр хэсэгт хуваагдан "double-elimination format" буюу нэг удаа хожигдох эрхтэйгээр тоглох бөгөөд хэсэг тус бүрээс гурван баг шигшээ шатанд шалгарна. Аваргын төлөөх тоглолт Bo5 журмаар болох ба бусад бүх тоглолт Bo3 журмаар явна.

The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Мөнхболдын Содбаяр /Techno4K/, Бямбасүрэнгийн Гарьдмагнай /bLitz/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.