NBA-ын талбайд найман тоглолт боллоо. Өнөөдрийн хамгийн гол тоглолт Бостон Селтикс талбайдаа Лос Анжелес Лейкэрс багтай "TD garden"-даа хүлээн авч тоглолоо. Хоёр баг энэ улиралд хоёр удаа таарч тоглох бөгөөд эхний тоглолт Лейкэрсийн талбайд болж 21 онооны зөрүүгээр Лейкэрс хожоод байсан юм. Өнөөдрийн тоглолтод Бостоны Тэйтум болон Браун хоёр гайхалтай тоглож нийт 71 оноог авч баг нь 101-111 харьцаагаар хожил байгуулж улиралд хоёр баг бие биеэ хожлоо.

Тоглолтын эхний хагас энэ тэнцүүхэн болж дөрвөн онооны зөрүүгээр Селтикс тэргүүлж байсан бол гуравдугаар үеийн эхлэлийг гайхалтай хийж онооны зөрүүг 21 хүргэж байсан Бостон шийдвэрлэх үед тааруухан тоглож онооны зөрүү дөрөв болж ойртох үед Браун хоёр довтолгоог амжилтай болгож хожил байгуулжээ. Улмаар Селтикс улирлын 26 хожил, 18 хожигдолтой болж дорнод бүсийн хоёрт бичигдэж байгаа бол Лейкэрс 40 хожил, 22 хожигдолтой болж өрнөд бүсийн гуравдугаар байр руу уналаа.

Тус тоглолтод Жэйтон Тэйтум 40 оноо, 12 самбар, 8 дамжуулалтаар багаа тэргүүлсэн бол Жэйлин Браун 31 оноо, 6 самбар, 3 таслалтыг гүйцэтгжээ. Эсрэг багаас Лука Дончич34 оноо, 8 самбар, Леброн Жеймс 22 оноо, 14 самбар, 9 дамжуулалт, Остин Риверс 16 оноог авсан байна.

Өнөөдөр болсон бусад тоглолтын үр дүн

Брүүклин Нетс 102-105 Шарлот Хорнетс
Нью-Орлэйн Паликанс 117-146 Хьюстон Рокетс
Индиана Пэйсэрс 118-120 Атланта Хокс
Вашингтон Визардс 118-117 Торонто Репторс
Чикаго Буллс 114-109 Миами Хит
Орлондо Межик 111-109 Милоуки Багс
Лос Анжелес Лейкэрс 101-111 Бостон Селтикс
Детройт Пистонс 110-115 Голдэн Стэйт Уорриорс