Эх, хүүхдийн эрүүл мэндийн үндэсний төв үйл ажиллагаа явуулж эхэлснээс хойш 38 жилийн дараа иж бүрэн шинэчлэгдэж байгаа. Тус төвийн нөхцөл байдал хүнд байгааг Ерөнхий сайд болон холбогдох албаны хүмүүст танилцуулсны үндсэн дээр 2022 оноос эхлэн улсын төсвийн хөрөнгө оруулалтаар 6 багц ажил хийгдээд үндсэндээ дуусаж байна.

Өргөтгөн, шинэчлэх, иж бүрэн засварлах багц ажлын хүрээнд Edunburgh Elevator үйлдвэрийн 1.0м/с хурдтай, 1000кг, 630кг, 400кг, 150кг даацтай хүн зөөврийн зориулалтын болон бага ачааны зориулалттай эмчилгээний, хоол судлалын тасгийн, хоол зөөврийн нийт 24 ширхэг цахилгаан шатыг угсарч ашиглалтад орууллаа.