NBA-ын талбайд есөн тоглолт боллоо. Өнөөдрийн онцлох тоглолт багуудыг хожлоор тэргүүлж байгаа Клевлэнд Кавальерс талбайдаа Индиана Пэйсэрс багтай энэ улирлын эхний тоглолтоо хийлээ. Тоглолтын эхний хагаст 13 оноогоор тэргүүлж байсан талбайн эзэд сүүлийн хагаст тааруухан тоглолтыг үзүүлж 108-93 харьцаагаар хожигдол амслаа. Улмаар Кавальерсын 12 дараалсан ялалт зогсож энэ улирлын тав дахь хожигдлоо амссан байна. 

Харин Пэйсэрс ялалт байгуулснаар 22 хожил, 18 хожигдолтой болж дорнод бүсийн тавд эрэмбэлэгдэж мөн зургаан тоглолт дараалж хожил байгуулаад байна.

Тус тоглолтод Тайрис Халибуртон гэмтлийн улмаас 19 минут тоглоод талбайг орхисон бол Паскал Сиакам 18 оноо, 9 самбар, 2 хаалт, Эндрью Нимбард 19 оноо, Майлс Турнер 15 оноо, 10 самбар, Беннедик Матурн 12 оноо, сэлгээнээс Оби Топпин 12 оноо, 3 таслалт, Томс Брайнт 11 оноог тус тус авч жигд тоглолтыг үзүүлжээ. Харин эсрэг багаас Дариус Гарланд 20 оноо, 7 дамжуулалтаар багаа тэргүүлсэн бол Донован Митчел 19 оноо, Эван Мобли 16 оноог тус тус авсан байна.

Өнөөдөр болсон бусад тоглолтын үр дүн

Милоуки Багс 106-140 Нью-Иорк Никс
Денвер Наггетс 112-101 Даллас Мавирекс
Сакермэнто Кингс 124-119 Чикаго Буллс
Нью-Орлэйн Паликанс 119-120 Бостон Селтикс
Индиана Пэйсэрс 108-93 Клевлэнд Кавальерс
Филадельфи 76 99-104 Орлондо Межик
Оклахома Сити Тандер 136-95 Вашингтон Визардс
Брүүклин Нетс 111-112 Юта Жазз /нэмэлт цагт/
Шарлот Хорнетс 113-120 Финикс Санс