NBA-ын талбайд Зул сарын баярын таван тоглолт боллоо. Өнөөдрийн гол тоглолт Голдэн Стэйт Уорриорс талбайдаа Лос Анжелес Лейкэрс багтай энэ улирлын анхны тоглолтоо Зул сарын баяраар хийлээ. Тоглолтын эхний хагаст Лейкэрс гурван онооны илүүгээр дуусгасан бол гуравдугаар үед онооны зөрүүг холдуулж найм болгосон байна. 

Гэвч шийдвэрлэх үеийн төгсгөлд Стифэн Көрри хоёр удаа холын зайнаас амжилттай болгосноор тоглолтыг тэнцүүлж чадсан ч Лейкэрсын Остин Ривэрс сүүлчийн довтолгоогоо амжилттай болгож тоглолтыг 115-113 харьцаагаар Лейкэрсын ялалтаар өндөрлөлөө.

Улмаар энэ улирлыг 17 хожил, 13 хожигдолтой болж өрнөд бүсийн 6-р байрт байгаа бол Уорриорс 15 хожил, 14 хожигдолтой бол өрнөд бүсийн 10-р байрт байна.

Тус тоглолтод Энтони Дэвис тоглолтын эхлэлд шагайгаа хазгай гишгэж талбайд дахиж гараагүй бөгөөд Леброн Жеймс зул сарын баярын тоглолтод 19 дэх удаагаа тоглож байгаа бөгөөд 31 оноо, 10 дамжуулалт, 2 таслалтаар багаа тэргүүлсэн бол Остин Риверс 26 оноо, 10 самбар, 10 дамжуулалтаар энэ улирлын анхны трипл дабл гүйцэтгэсэн байна. Харин эсрэг багаас Стифэн Көрри 38 оноогоор бүх тоглогчдыг тэргүүлсэн бол Эндрью Вигинс 21 оноо, 12 самбараас бөмбөг авсан байна.

Өнөөдөр болсон бусад тоглолтын үр дүн

Сан Антонио Спөрс 114-117 Нью-Иорк Никс
Минносато Тимбэрволвис 105-99 Даллас Мавирекс
Филадельфи 76 118-114 Бостон Селтикс
Лос Анжелес Лейкэрс 115-113 Голдэн Стэйт Уорриорс
Денвер Наггетс 100-110 Финикс Санс