NBA-ын талбайд 12 тоглолт боллоо. Өнөөдрийн эхний тоглолт Сакермэнто Кингс талбайдаа Лос Анжелес Лейкэрс багтай тоглолоо. Энэ улиралд хоёр баг дөрвөн удаа таарч тоглохоос өнөөдрийн тоглолт гурав дахь нь бөгөөд өмнөх хоёр тоглолтод Лейкерс хожоод байсан билээ. Тэгвэл өнөөдрийн тоглолтод зочил эхний хагасыг гурван онооны илүүгээр дуусгажээ. Сүүлийн хагаст Кингс оноог ойртуулж, илүү гарч чадсан ч тоглолтын төгсгөлийг Лейкэрс илүү хийснээр 103-99 харьцаагаар Лейкэрс гурван тоглолт дараалж ялалт байгуулж, улирлыг 16 хожил, 12 хожигдолтой болж өрнөд бүсийн 5-рт бичигдэж байна.

Харин Кингс сүүлийн хоёр тоглолтод Лейкэрст хожигдсоноор 13 хожил, 16 хожигдолтой болж өрнөд бүсийн 12-рт байр руу уналаа.

Тус тоглолтод Леброн Жеймс 32 оноо, 7 самбар, 6 дамжуулалт, 4 таслалтаар багаа тэргүүлсэн бол Остин Риверс 16 оноо, 4 самбар, 5 дамжуулалт, Энтони Дэвис 10 оноо, 15 самбар, 5 дамжуулалт, 3 хаалт, сэлгээнээс ДиАнжело Рассел 20 оноо, 4 самбар, 5 дамжуулалтыг гүйцэтгэжээ. Эсрэг багаас ДиАарон Фокс 31 оноо, 5 самбар, 7 дамжуулалтаар багаа тэргүүлсэн бол Домантос Сабонис 19 оноо, 19 самбар, 5 дамжуулалт, ДиМар ДиРозан 12 оноог авсан байна.

Өнөөдөр болсон бусад тоглолтын үр дүн

Лос Анжелес Лейкэрс 103-99 Сакермэнто Кингс 
Миами Хит 114-121 Орлондо Межик
Мемфис Гриззлис 128-112 Атланта Хокс
Юта Жазз 105-94 Брүүклин Нетс
Голдэн Стэйт Уорриорс 113-103 Минносато Тимбэрволвис
Филадельфи 76 99-126 Клевлэнд Кавалерс
Бостон Селтикс 123-98 Чикаго Буллс
Вашингтон Визардс 101-112 Милоуки Багс
Нью-Иорк Никс 104-93 Нью-Орлэйн Паликанс
Лос Анжелес Клипперс 97-113 Даллас Мавирекс
Портлэнд Трэйл Блэйзэрс 94-114 Сан Антонио Спөрс
Детройт Пистонс 133-125 Финикс Санс