NBA-ын цомын төлөөх зургаан тоглолт өнөөдөр боллоо. Өнгөрсөн жилийн аварга Бостон Селтикс талбайдаа улирал эхлээд хожигдол амсаагүй байгаа Клевлэнд Кавалерс багтай учраа таарч тоглолоо. Тоглолтын эхний хагаст 17 оноогоор тэргүүлж дуусгасан аваргууд гуравдугаар үед оноо тав болж ойртжээ. Шийдвэрлэх үед Кавалерс онооны тэргүүллийг авч чадалгүй явсаар 117-120 харьцаагаар хожигдож улирлын анхны хожигдолоо амсчээ.

Харин Селтикс улирлыг 12 хожил, гурван хожигдолтойгоор дорнод бүсийн хоёрт бичигдэж байгаа бол хоёр баг улирал дундын цомын төлөөх тэмцээнд нэг хожил, нэг хожигдолтой болжээ.

Тус тоглолтод Жэйстон Тэйтум 33 оноо, 12 самбар, 7 дамжуулалт, 2 таслалтаар багаа тэргүүлсэн бол Ол Хорфорд 20 оноо, 7 самбар, Деррик Уайт 19 оноо, 6 самбар, 5 дамжуулалт, Жэйлон Браун 17 оноог авсан байна. Эсрэг багаас Донован Митчел 35 оноогоор багаа тэргүүлсэн бол Эван Мобли 22 оноо, 11 самбар, 6 дамжуулалтыг гүйцэтгэсэн бол Дариус Гарланд 21 довтолж ердөө гурвыг нь амжилттай болгож 8 оноог авсан байна. 

Өнөөдөр болсон бусад тоглолт үр дүн

Клевлэнд Кавалерс 117-120 Бостон Селтикс
Шарлот Хорнетс 115-116 Брүүклин Нетс
Денвер Наггетс 122-110 Мемфис Гриззлис
Нью-Орлэйн Паликанс 91-132 Даллас Мавирекс
Оклахома Сити Тандер 104-110 Сан Антонио Спөрс
Юта Жазз 118-124 Лос Анжелес Лейкэрс