NBA-ын талбайд 12 тоглолт боллоо. NBA-ын цомын төлөөх тэмцээнтэй өдөр бөгөөд Сан Антонио Спөрс талбайдаа Лос Анжелес Лейкэрс багтай тоглолоо. Эхний үеийн дунд хүртэл 12 оноогоор тэргүүлж байсан Спөрс үеийн төгсгөлийг тааруухан хийснээр нэг оноогоор хожигдож дуусгасан юм. Улмаар хоёр болон гуравдугаар үед Лейкэрс илүү тоглож долоон онооны зөрүүгээр дуусгасан бол шийдвэрлэх үед Спөрс нэг оноогоор илүү гарч чадсан ч хариуг нь Энтони Дэвис гурван оноог авч улмаар Леброн Жеймс төгсгөлийг хийснээр 120-115 харьцаагаар дөрөв дараалсан хожил байгууллаа. Улирлыг найман хожил, дөрвөн хожигдолтойгоор өрнөд бүсийн тавд бичигдэж байгаа бол NBA-ын цомын төлөөх тэмцээний эхний хожлоо байгууллаа. Харин Спөрс зургаан хожил, 7 хожигдолтой болж өрнөд бүсийн 11-рт бичигдэж байна.

Тус тэмцээнд Лейкэрсээс Энтони Дэвис улирлын хамгийн их 40 оноо, 12 самбар, 2 хаалтаар багаа тэргүүлсэн бол Остин Риверс 19 оноо, 6 дамжуулалт, гараанаас гарсан Далтон Кнехт 14 оноо, Леброн Жеймс 15 оноо, 16 самбар, 12 дамжуулалтыг гүйцэтгэжээ. Жеймс нь ийнхүү дөрвөн тоглолт дараалж гурван аравт хийж байгаа бөгөөд замналынхаа 115 дахь, улирлын 5 дахиа хийж байна. Эсрэг багаас Виктор Вимбаняма 28 оноо, 14 самбар, 5 дамжуулалт, 2 хаалтаар багаа тэргүүлсэн бол Стипон Кастл 22 оноо, 5 дамжуулалт, сэлгээнээс Давион Васэль 15 оноог авсан байна.

Өнөөдөр болсон бусад тоглолтын үр дүн

Миами Хит 124-111 Индиана Пэйсэрс
Филадельфи 76 86-98 Орлондо Межик
Детройт Пистонс 99 95 Торонто Репторс
Вашингтон Визардс 117-129 Атланта Хокс
Чикаго Буллс 126-144 Клевленд Кавалерс
Брүүклин Нетс 122-124 Нью-Иорк Никс
Лос Анжелес Лейкэрс 120-115 Сан Антонио Спөрс
Лос Анжелес Клипперс 104-125 Хьюстон Рокетс
Денвер Наггетс 94-101 Нью-Орлэйн Паликанс
Мемфис Гриззлис 118-123 Голдэн Стэйт Уорриорс
Минносато Тимвэрволвис 130-126 Сакермэнто Кингс /нэмэлт цагт/