"GAM3RS_X" болон "GRID"-ээс зохиож буй "Thunderpick World Championship 2024" тэмцээн CS 2 төрлөөх болж байна. Тус тэмцээний шагналын сан 850 мянган ам.доллар бөгөөд Монголоос урилгаар "The MongolZ" баг тоглож. байна.

Манай баг өнгөрсөн шөнө шөвгийн наймын хасагдах шатны тэмцээнд Бразилын "Imperial Esports" багийг 2-1 (Dust II 16-12, Mirage 6-13, Inferno 13-8) харьцаагаар хожлоо. Улмаар онлайнаар болж байсан тэмцээн дараагийн тоглолтоос буюу хагас шигшээ болон аваргын төлөөх тоглолт Германы Берлин хотын "LVL Dome Arena"-д зургаан өдрийн дараа болно.

Хэсгийн шатанд манай баг В хэсэгт багтсан бол хэсгийн шатны эхний тоглолтоо өнгөрсөн шөнө Оросын "Cloud9" багийг 2-0 (Dust II 13-11, Ancient 13-11) харьцаагаар хожиж, дараа нь Британийн "Fnatic" багийг 2-0 (Mirage 13-11, Dust II 13-7) харьцаагаар хожиж хэсгээ тэргүүлэхээр болжээ.

The MongolZ Францын "3DMAX" багтай арваннэгдүгээр сарын 03-ны 00:00 цагаас тоглоно.

Манай багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Бямбасүрэнгийн Гарьдмагнай /bLitz/, Мөнхболдын Содбаяр /Techno4K/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглож байна.