Баянгол дүүргийн иргэдийн Төлөөлөгчдийн хурлын даргаар Пүрэвтогтохын Өлзийнаранг сонгож, Засаг даргад Өлзий-Оршихын Сумъяабаатарыг дэвшүүллээ

Баянгол дүүргийн иргэдийн Төлөөлөгчдийн хурал өнөөдөр Анхдугаар хуралдаанаа хийлээ.

Анхдугаар хуралдааныг сонгогдсон төлөөлөгчдөөс насаар хамгийн ахмад болох 27 дугаар хорооноос сонгогдсон төлөөлөгч Ө.Батчимэг даргалан явуулсан юм.

Баянгол дүүргийн иргэдийн Төлөөлөгчдийн хурлын даргын тамгыг 2020-2024 оны дүүргийн иргэдийн Төлөөлөгчдийн хурлын дарга, 2024-2028 оны Нийслэлийн иргэдийн Төлөөлөгчдийн хурлын Төлөөлөгч Баяртулгын Сэмжидмаа гардуулан өглөө.