3x3 сагсан бөмбөгийн 23 хүртэлх насны буюу U23 дэлхийн аварга шалгаруулах тэмцээн Монгол Улсын нийслэл Улаанбаатар хотод үргэлжилж байна.

Тэмцээний B хэсэгт Хятад, Нидерланд, Япон, Бениний хүчирхэг багуудтай учраа таарсан Монголын шигшээ баг эхний тоглолт Японы багтай хийж 18-21 харьцаагаар хожигдсон бол хоёр дахь тоглолтдоо 21-12 харьцаагаар Бениний шигшээ багийг хожлоо. 

Эрэгтэй шигшээ баг дараагийн тоглолтоо маргааш буюу есдүгээр сарын14-ны өдөр 16:45 цагаас Нидерландын шигшээ багтай хийнэ. Одоогоор хэсэгтээ дөрөвт бичигдэж байна.

Харин эмэгтэй шигшээ баг өнөөдөр буюу есдүгээр сарын 13-ны баасан гарагт 17:45 цагаас Израилын шигшээ багтай хийнэ. Одоогоор нэг хожил нэг хожигдолтой хэсэгтээ 3-рт бичигдэж байна.