“Парис-2024” зуны 33 дахь удаагийн зуны олимпын нээлтийн арга хэмжээ ирэх баасан гарагт буюу долоодугаар сарын 26-нд болно. Энэ удаагийн олимпод монгол тамирчид байт харваа, усанд сэлэлт, жүдо, бокс, чөлөөт бөх, дугуй, буудлага, хөнгөн атлетик, хүндийн өргөлт зэрэг 9 төрөлд 34, паралимпын наадмын пара пауэрлифтинг, пара байт харваа, пара таеквондо, пара усанд сэлэлт, пара жүдо, пара хөнгөн атлетик зэрэг 6 төрөлд 10 эрх, нийт 44 эрхтэйгээр оролцоно. Монголын хотын дарга асан Д.Сумъяабазар ахлах аж. 

Энэ талаар Олимпын хорооны Ерөнхий нарийн бичгийн дарга Э.Бадар-Ууган “Парис-2024” зуны 33 дахь удаагийн зуны олимпод оролцох монголын багийн ахлагчийг хоёр жилийн өмнө сонгосон. Улмаар энэ удаагийн олимпын наадмыг хотын дарга асан Д.Сумъяабазар ахална. Багийн ахлагчийг Үндэсний олимпын хорооны Гүйцэтгэх зөвлөлийн гишүүдийн саналаар тодруулдаг. Гүйцэтгэх зөвлөл 11 гишүүнтэй. “Милан Кортина 2026” Өвлийн XXV Олимпын наадмын Монголын багийн ахлагчаар Соёл, спорт, аялал жуулчлал, залуучуудын сайд Ч.Номин ажиллана" гэлээ. 

Монгол Улс өнгөрсөн хугацаанд зуны олимпын наадмаас 30, паралимпын наадмаас 4 медаль хүртсэн амжилттай билээ. Энэ удаагийн олимпод монгол тамирчид байт харваа, усанд сэлэлт, жүдо, бокс, чөлөөт бөх, дугуй, буудлага, хөнгөн атлетик, хүндийн өргөлт зэрэг 9 төрөлд 34, паралимпын наадмын пара пауэрлифтинг, пара байт харваа, пара таеквондо, пара усанд сэлэлт, пара жүдо, пара хөнгөн атлетик зэрэг 6 төрөлд 10 эрх, нийт 44 эрхтэйгээр оролцоно.