Хэвлэлийн хүрээлэнгээс 1999 оноос хойш жил бүр тасралтгүй эрхлэн гаргаж буй "Монголын хэвлэл мэдээлэл-Өнөөдөр" судалгааны тайлан 25 дахь жилдээ гарчээ.

Энэхүү судалгаа нь хэвлэл мэдээллийн салбарын статистик суурь мэдээлэлд тулгуурлан Монголын хэвлэл мэдээллийн өнгө төрх, хөгжлийн чиг хандлагыг тодорхойлж, тулгамдаж буй асуудлыг дэвшүүлэн хэлэлцэх, салбарын түүхийг бичихэд үнэтэй хувь нэмэр оруулсаар ирсэн юм.

Тайланд дурдсанаар Монгол Улсад 434 мэдээллийн хэрэгсэл байгаа бөгөөд 186 мэдээллийн сайт, 111 телевиз үйл ажиллагаа явуулж байна.

Тайланд багтсан мэдээлэл нь хэвлэл мэдээллийн шинжээч, эксперт, сэтгүүлч, оюутан болон хэвлэл мэдээлэлтэй харилцдаг хэн бүхэнд хэрэгцээтэй мэдээлэл байж чаддаг билээ.