Олон улсын ачаа тээвэрлэлтэд төмөр замын тээвэр томоохон байрь суурь эзэлдэг. Төмөр замын тээвэр нь хуурай замын тээврийн төрөл хэлбэрүүдийн дотроос их хэмжээний ачааг харьцангуй богино хугацаанд, харьцангуй бага зардлаар тээвэрлэх боломжийг олгодгоороо давуутай юм.  “Тавантолгой”ХК нь “Тавантолгой төмөрзам ХХК-тай Төмөр замаар нүүрс Тээвэрлэх гэрээ”-г байгуулсан өнгөрөгч оны дөрөвдүгээр сард  22 вагон, 44 чингэлэг бүхий нийт  1395 тонн нүүрсийг Тавантолгой өртөөнөөс Гашуун сухайт өртөө  чиглэлд анхны тээвэрлэлтээ хийж  компанийн түүхэнд  шинээр бичигдэх эхлэлийг тавьж байлаа. Экспортод гаргах нүүрсийг төмөр замаар тээвэрлэснээр авто замын тээвэртэй харьцуулахад тээврийн зардал 2-3 дахин буурахаас гадна байгаль орчин, эдийн засгийн өндөр ач холбогдолтой гэдгийг тухайн үед албаныхан мэдээлж байсан юм. Тэгвэл аль аль талаа бодсон ч төмөр замын цогцолбор төсөл биелэлээ олж, нээлтээ хийж байна гэхээр хэн хүнд тааламжтай санагдах нь мэдээж шүү дээ. 

Өмнөговь аймгийн Цогтцэций, Баян-Овоо, Ханбогд сумын нутагт байрлах “Тавантолгой-Гашуунсухайт чиглэлийн төмөр замын цогцолбор төсөл”-ийн нээлт өчигдөр боллоо. Энэ төслийг 2020 онд эхлүүлж, чанарын өндөр түвшинд барьж 2023 онд ашиглалтад оруулан өчигдөр  тээвэрлэлтийг эхлүүлэв.   Дэлхийд зүтгүүрийн үйлдвэрлэлээр тэргүүлэгч “Progress Rail A Caterpillar” компанийн SD70ACe/LW загварын 16 зүтгүүр Монгол Улсад нийлүүлэгдэхээс эхний ээлжийн зургаан зүтгүүрээ хүлээн авч, тээвэрлэлтэд нэвтрүүлэхэд бэлэн болжээ. ОУ-ын чанар стандартад нийцсэн тоног төхөөрөмж бүхий зүтгүүр, вагоны засварын төвийн төслийг амжилттай хэрэгжүүлж үйл ажиллагааг нь эхлүүлснээр,  экспортын хэмжээ нэмэгдэж эдийн засгийн эргэлт сайжрах, төмөр замын тээврийн зардал 3-4 дахин буурах, төмөр замын салбарыг шинэ шатанд хүргэх чухал ач холбогдолтой аж. 

Хүнд даацын төмөр замын тээврийн салбарт бүрэн хүлээн зөвшөөрөгдсөн өндөр хүчин чадал бүхий зах зээлд амжилттай туршигдсан дизель хөдөлгүүртэй. Инновац шингээсэн радиал тэргэнцэр нь манай улсын хувьд анх удаа нэвтрүүлж буй явах ангийн бүтээц гэнэ.   

“Тавантолгой- Гашуунсухайт” чиглэлийн төмөр замын цогцолбор төслийн нэг гол бүрэлдэхүүн хэсэг болох зүтгүүрийн засварын төв. Монгол Улсдаа анх удаа АНУ-ын зүтгүүрт зориулан зураг төсөл, төлөвлөлтийн дагуу барьж байгуулсан.  Тус засварын төв арчилгаа үйлчилгээ, засвар хийх зориулалтын 34 тоног төхөөрөмж, 112 гар болон цахилгаан багажаар тоноглогдсон бөгөөд эдгээрийг есөн  үндсэн цех, 12 туслах цехэд хуваан байршуулсан.  Нийт 2125 м2 талбайд үзлэгийн гурван зам байрлах ба зургаан зүтгүүрт зэрэг арчилгаа, засварын ажил хийх боломжтой юм. 

Уг засварын төв нь жилд 1300-1500 орчим вагонд их болон дунд засвар, арчилгаа үйлчилгээ хийх, 3800 тэргэнцэр, 7200 хос дугуй болон бусад 12000 эд ангийг оношилж, сэргээн засварлах хүчин чадалтай юм. Мөн механик цехэд CNC удирдлагатай TCK-50A загварын токарийн суурь машин, CNC плазма зүсэгчийг нэвтрүүлсэн онцлогтой.

• Ухаалаг удирдлагын сис­те­мээр зүтгүүрийн ажил­лагааг хянаснаар галт тэрэгний хөдөлгөөн, зүт­гүү­рийн найдвартай ажил­ла­гааг бүрэн хангах давуу талтай. 
• ААR стандарт шаардлага хангасан зүтгүүр нь зас­ва­рын бааз ха­рьцан­гуй бага шаарддаг найдваржилт өн­дөр, ашиг­лал­тын зардал бага 
• Төлөвлөгөөт засвар хоо­рондын хугацаа зургаан  сар байдгаараа онцлогтой.
• Байгаль орчинд ээлтэй 
• Олон улсын хүрээлэн буй орчны EU Stage IIIА түвшний шаардлагыг бү­рэн хангасан зүтгүүр юм.

SD70ACE/LW ЗАГВАРЫН ОРЧИН ЦАГИЙН ИЛЧИТ ТЭРЭГ МОНГОЛ УЛСАД АШИГЛАГДАЖ ЭХЛЭЛЭЭ

Зүтгүүрийн техникийн гол үзүүлэлтээс дурдвал: 
-    5000 тонн жинтэй галт тэргийг татах
-    4500 морины хүч буюу 3355 кВт чадалтай 
-    Нэг голын даац 25 тонн
-    Хувьсахаас хувьсах гүйд­лийн AC-DC-AC цахилгаан дамжуулгын систем
-    Хөдөлгүүрийн цахилгаан форсунк
-    HTCR загварын радиаль тэргэнцэр
-    96 хувь найдвартай ажиллагаатай  
Монгол орны говь хээрийн байгаль, цаг уурын нөхцөл байдалд бүрэн зохицон ажиллах чадвартай, хамгийн орчин үеийн инновац, технологийн шийдлийг шингээсэн SD70ACe/LW загварын орчин цагийн илчит тэрэг Монгол улсад ашиглагдаж эхлэлээ.