АТГ-аас цаг үеийн асуудлаар мэдээлэл хийлээ. Тус газрын Мөрдөн шалгах хэлтсийн албаны дарга, ахлах комиссар Б.Батбилэг "АТГ-т шалгаж буй хэргийн нэлээдгүй их хувийг газар олголт, стандарт зөрчиж барилга, байгууламж барьсан, ашиглалтад хүлээн авсан гэдэг гомдол мэдээлэл эзэлж, эрүүгийн үүсгэн хэрэг шалгагдаж байсан.

Улаанбаатар хотод зун үерийн гамшиг болж, олон иргэн, ААН-д хохирол учирсан. Үүнтэй холбогдуулан Ерөнхий сайдаас АТГ хандсаны дагуу нийслэлийн Засаг дарга болон түүний харьяа байгууллагуудын эрх бүхий албан тушаалтнууд албан тушаалын байдлаа урвуулан ашиглаж, газрын, усны тухай хууль, бусад хуулийг зөрчиж, үерийн далан суваг шуудуу бүхий газарт газар, барилга барих зөвшөөрөл олгож, баригдсан барилгыг ашиглалтад хүлээн авсны улмаас бусдад давуу байдал олгосон гэх хэргүүдэд эрүүгийн хэрэг үүсгэн шалгаж байна. Одоогоор хэрэг бүртгэлтийн найм, мөрдөн байцаалтын нэг хэрэг мөрдөн шалгах ажиллагаанд байна.

Энэ хугацаанд 29 объектод нэгжлэгийн ажиллагаа явуулж, 125 албан тушаалтныг дуудан ирүүлж, мэдүүлэг авсан, 10000 гаруй хуудас материалыг хүлээж авч, дүн шинжилгээ хийх чиглэлээр мөрдөн шалгах ажиллагаа явуулж, эрх бүхий байгууллагуудтай хамтран шинжилгээ хийхээр ажиллаж байна. Мөрдөн шалгах ажиллагаа цаашид явагдана.

Мөн

Ингэхдээ "Ногоон автобусны худалдан авалттай холбоотой асуудлаар гурван чиглэлд мөрдөн шалгах ажиллагаа явуулж байгаа.

Нэгдүгээрт, худалдан авах ажиллагаа хуулийн хүрээнд явагдсан, албан тушаалтнууд эрх мэдлээ урвуулан ашигласан, хайнга хандсан, авлига авсан эсэх,

Хоёрдугаарт, автобус хүлээн авах процесс хуулийн хүрээнд явагдсан, автобус нь чанар, стандартын шаардлагад нийцсэн, нийлүүлэгч аж ахуйн нэгжид эдийн засгийн давуу байдал олгосон эсэх,

Гуравдугнаарт, олгосон санхүүжилт буюу 134.5 тэрбум төгрөгийн зарцуулалтыг нэг бүрчлэн шалгаж байна.

Нэр бүхий албан тушаалтнууд нь хууль тогтоомж зөрчиж худалдан авах ажиллагааг зохион байгуулсан, чанар, стандартын шаардлага хангахгүй автобус хүлээж авсан, нэр бүхий ААН эдийн засгийн давуу байдал олгосон нь тогтоогдсон. 11 иргэн, албан тушаалтны 16 объектод нэгжлэг хийж, 25 хүнд эрүүгийн хэрэг үүсгэж яллагдагчаар татсан. Яллагдагч нарын 31 эд хөрөнгийн шилжилт хөдөлгөөнийг хязгаарласан.

Мөн нэр бүхий ААН-ийн арилжааны банкны дансанд байгаа 3.4 сая ам.долларыг царцаасан.

БНСУ-ын дөрвөн иргэнд эрүүгийн хэрэг үүсгэж яллагдагчаар татсан. Хоёрыг нь хорьж байгаа. Хоригт нь хилийн хориг тавин шалгаж байна" гэлээ. 

" гэлээ.