Аваргуудын лигийн E, F, G, H хэсгийн 4-р тойргын тоглолтууд өнгөрсөн шөнө боллоо. E хэсгийг тэргүүлэгч Английн "Челси" клуб Францын "Ренн"-ийн талбайд зочилж 2-1 харьцаагаар хожлоо. Тус тоглолтын салхийг 22 дахь минутад Челсигийн Хадсон-Одои оруулж эхний хагас өндөрлөлөө. Хоёрдугаар хагаст 85 дахь минутад Гирасси тэнцээний гоолыг хийсэн бол 91 дэх минутад Жиру гоолджээ.

Харин энэ хэсгийн нөгөө тоглолт болох Испанийн "Севилья" клуб ОХУ-ын "Краснодар" талбайд зочилж 2-1 харьцаагаар хожлоо. Тоглолтын салхийг 4 дэх минутад "Севилья"-гийн Ракитич гоолдсон бол тэнцээний гоолыг 56 дахь минутад Вандерсон оруулжээ. Харин хожлын гоолыг 95 дахь минутад Мунир оруулжээ.

Е хэсгийг 10 оноотойгоор Челси тэргүүлж байгаа бол "Севилья" мөн 10 оноотойгоор гоолын зөрүүгээр тэдний ард бичигдэж байна.