Тэрүнофүжи Г.Ган-Эрдэнэ башёг тэргүүлж байна
Мэргэжлийн сүмо бөхийн Аки башё маргааш буюу есдүгээр сарын барилдаан Токио хотын Рёогокү Кокүгикан ордонд арав дахь өдрөө үргэлжилж байна.
Энэ удаагийн башёг Хакүхо болон түүний Мияагино дэвжээнийхэн цар тахлын улмаас өнжиж байгаа бол шинэхэн ёкозүна Тэрүнофүжи Г.Ган-Эрдэнэ өчигдөр маэгаширагийн 6-аас барилдаж байгаа Уратай барилдаж давлаа. Улмаар есөн даваа, нэг унаатай болсон бөгөөд Аки башёг ганцаар тэргүүлж байгаа бол өнөөдрийн түүний өрсөлдөгч комүсүби Такаяасүтэй барилдана.
Энэ башед комүсүби цолтойгоор барилдаж байгаа Ичиножо А.Ичинноров өчигдөр нутгийн бөх маэгаширагийн 6-аас барилдаж байгаа Тамаваши Мөнх-Оргилтой барилдаж давлаа. Улмаар дөрвөн даваа, зургаан унаатай болсон бөгөөд өнөөдөр түүний өрсөлдөгч маэгаширагийн 5-аас барилдаж байгаа Такарафүжитэй барилдана. Харин Тамаваши Мөнх-Оргил маэгаширагийн 6-аас барилдаж байгаа Уратай барилдана.
Аки башёгийн дээд макүүчи зиндаанд дараах монгол бөхчүүд зодоглоно.
- Ёкозүна Тэрүнофүжи Г.Ган-Эрдэнэ 9-1
- Комүсүби Ичиножо А.Ичинноров 4-6
- М-1 Хошорюү С.Бямбасүрэн 3-5 /2 өдөр гэмтсэн/
- М-2 Кирибаяама Б.Лхагвасүрэн 7-3
- М-4 Тамаваши Б.Мөнх-Оргил 3-7
- М-5 Чиёошома Г.Мөнхсайхан 2-8
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
