Эрүүл мэндийн яамнаа коронавируст халдварын талаарх нөхцөл байдлын мэдээллийг хүргэж байна. Сүүлийн 24 цагт 1328 тохиолдол шинээр бүртгэгдсэн бөгөөд бүгд дотоодын халдвар байна. Орон нутагт 138 тохиолдол, зөөвөрлөгдсөн 28, нийслэлд 1190 тохиолдол халдвартай нь батлагджээ. Эдгээр иргэд дөрөвдүгээр сарын 23 Сөүл-Улаанбаатар транзит онгоцоор Энэтхэг улсаас ирсэн Монгол Улсын нэг иргэнээс, мөн сарын 23-ны өдөр Алма Ата-Улаанбаатар чиглэлийн онгоцоор Казакстан улсаас ирсэн Монгол Улсын найман иргэнээс, дөрөвдүгээр сарын 26-ны өдөр Энэтхэг-Улаанбаатар онгоцоор Энэтхэг улсын 19 иргэнээс тус тус коронавирус илэрчээ. Харин Энэтхэг улсаас ирсэн иргэдээс 18 нь Дорноговь аймагт, нэг нь Улаанбаатарт тусгаарлагдан эмчлүүлж байна. Нас баралт найм бүртгэгджээ. 

Орон нутагт халдварын тохиолдол өндөр бүртгэгдсэн нь Дархан аймагт 35,  Говь-Алтай  21, Сэлэнгэ аймагт 19, Төв аймагт 21, Завхан аймагт 10 тохиолдол бүртгэгдсэн. Мөн сүүлийн 24 цагт 923 хүн эдгэрчээ. Ийнхүү Монгол Улсад нийт хүн халдвар авсан хэмээн бүртгэгдсэнээс 19642 нь эдгэрчээ. Эмнэлэгт 4726 хүн эмчлүүлж байгаагаас 2591 хүний биеийн байдал хөнгөн, 1579 хүндэвтэр, 464 хүнд, 112 маш хүнд байна.