МАН-ын Уирдах зөвлөл өчигдөр хуралдсан. Өнөөдөр УИХ дахь МАН-ын бүлэг хуралдах тов гарсан. Тэд Засгийн газрыг огцруулах асуудлаар байр сууриа нэгтгэх сураг дуулдана билээ. Харин ээлжит бус чуулган цаандаа пүрэв гарагт хуралдаж, Засгийн газрыг огцруулах асуудлыг хэлэлцэх юм.

Тэгвэл чуулганы өмнө МАН дотор нэлээд асуудал үүсч байгаа бололтой. Бүх гишүүд рүүгээ мессеж явуулж байгаа сурагтай байсан. Харин Засгийн газрыг огцруулах бичгийг УИХ-д өргөн барих ажлыг толгойлсон Т.Аюурсайхан гишүүн твиттер хуудсаараа дамжуулж бухимдлаа илэрхийллээ.

Тэрбээр “Улс төр,бизнес, хууль хүчнийхэний олон жилийн нам дамнасан мафижсан бүлэглэл өндрөөс  чанга унах айдастаа автаж,  юу ч хийхээс буцахгүй байна” хэмээн жиргэжээ. Хөшигний цаана ч асуудал хурцдаж байгаа бололтой.