АНУ-ын Батлан хамгаалахын сайд Жеймс Мэттис “Хойд Солонгос АНУ руу халдвал, тэр цагаас дайн эхэлнэ” гэж мэдэгджээ. Энэ талаар “Франц пресс” агентлаг мэдээлсэн байна.

Хойд Солонгос тус улсын эсрэг авах хориг арга хэмжээг чангатгасны дараа Пхеньян АНУ-ын Гуамын арал руу баллистик пуужин харвах төлөвлөгөөгөө ил болгосон. Тэгвэл энэ үед  АНУ ч тус улсын эсрэг цэргийн стратегиа шинэчилсэн байна.

Батлан хамгаалахын сайд Жеймс Мэттис “АНУ Пхеньяныг пуужин хөөргөснийх нь дараа чиглэлийг нь тодорхойлно. Улмаар үнэхээр Гуамыг чиглэж байвал шууд устгах болно” гэж ярьжээ.