Даян дэлхийн байгаль орчны сан болон НҮБ-ийн Хөгжлийн хөтөлбөрийн буцалтгүй тусламжийн хөрөнгөөр БОАЖЯ-ны Тусгай хамгаалалттай нутгийн удирдлагын газартай хамтран "Байгалийн нөөцийн менежмент бүхий хамгаалалттай газар нутгийн сүлжээ" төслийг хэрэгжүүлж байгаа билээ.

Төслийн хүрэнд 2016 оны зургадуугар сард Хэнтий аймгийн Норовлин сумын "Энгэр булаг", "Түмэнхаан" нөхөрлөлийн гишүүдэд эсгийгээр бүтээгдэхүүн үйлдвэрлэх, зах зээлд нийлүүлэхэд нь дэмжлэг үзүүлэх, дадлага, туршлага эзэмшүүлэх сургалтыг зохион байгуулжээ. Төсөлд хамрагдсан иргэд энэ жил ахисан шатны сургалтад хамрагдах гэнэ. Тодруулбал, зургадугаар сарын 20-аас долдугаар сарын 2-нд Улаанбаатар хотод сургалт зохион байгуулах юм байна.

Сургалтаар нөхөрлөлийн гишүүдэд эсгийгээр хийсэн бүтээгдэхүүний чанар, хийцийг сайжруулан зах зээлд нийлүүлэх мэдээллийг олгох аж. Мөн  уг сургалтын үр дүнд Тусгай хамгаалалттай газрын орчны бүсийн иргэд, нөхөрлөлийн гишүүд ажлын байртай болж, амьжиргаагаа дээшлүүлэх боломж бүрдэх юм байна.