Монгол Улсын Сангийн Сайдын баталсан 2017 оны хоёрдугаар сарын 16-ны өдрийн нэгдсэн удирдамж, Дорноговь аймгийн Засаг даргын дэргэдэх Санхүүгийн хяналт, аудитын албаны даргын баталсан 05 тоот удирдамжийн дагуу Аймгийн Хөдөлмөр, Халамжийн үйлчилгээний газрын нийгмийн халамжийн сангийн 2016 оны бүрдүүлэлт, зарцуулалтын үйл ажиллагаанд хяналт, шалгалт хийжээ.

Шалгалтаар давхардсан тоогоор 11 хүнтэй холбоотой 139.2 мянган төгрөгийн улсын байцаагчийн нэг акт тогтоогдсон аж.

Шалгалтын хугацаанд дарга, мэргэжилтнүүдэд гарч болох эрсдэл, түүнээс урьдчилан сэргийлэх талаар мэргэжил арга зүйн зөвлөгөөг өгч ажилласан байна. Нийгмийн халамжийн сангийн үйл ажиллагаанд дүгнэлт өгч,цаашид авах арга хэмжээний саналыг холбогдох албан тушаалтнуудад хүргүүлжээ.

Тухайлбал, тусгай зөвшөөрөл аваагүй амралт, сувиллын үйл ажиллагаа явуулж байгаа нь сувилуулагчдад аливаа эрсдэл үүсэх нөхцөл бий болох магадлалтай,  өнгөрсөн онд үүссэн өглөгийн шалтгаан нөлөөллийг тооцож, дүн шинжилгээ хийгээгүй, иргэд тэтгэвэр тэтгэмжээ сар бүрд нь авч чадахгүйд хүрч байхад ямар ч арга хэмжээ авч ажиллаагүй байгаа нь хариуцсан мэргэжилтнүүдийн ажлын хариуцлага сул, дотоод хяналт хангалтгүй төвшинд ажиллаж байгааг харуулж байна гэх зэргээр цаашдын үйл ажиллагаанд анхааруулга өгч ажиллажээ.