Гамшгийн эрсдлийг бууруулах олон улсын стратегийн Азийн түншлэлийн хурал болно
Монгол Улсын Засгийн газар, НҮБ-ын Гамшгийн эрсдэлийг бууруулах газар хамтран 2018 онд “Гамшгийн эрсдэлийг бууруулах Азийн сайд нарын II бага хурал”-ыг зохион байгуулна. Бага АСЕМ гэж нэрлэгддэг тус хурлын бэлтгэл ажлын хүрээнд “Гамшгийн эрсдлийг бууруулах олон улсын стратегийн Азийн түншлэлийн хурал”-ыг өнөөдөр Туушин зочид буудалд зохион байгуулахаар болжээ.
Энэхүү хуралд Австрали, Бангладеш, Бутан, БНХАУ, БНАСАУ, БНЭУ, Индонез, Япон, Лаос, Малайз, Мальдив, Мьянмар, Пакистан, Филиппин, БНСУ, Шри-Ланка, Тайланд, Вьетнам улсын төлөөлөгч оролцох юм байна. Мөн олон улсын Засгийн газар хоорондын байгууллага, НҮБ болон Оло улс, бүс нутгийн төрийн бус байгууллагууд, Азийн гамшгийн бэлэн байдлын төв, Азийн гамшгийн эрсдэлийг бууруулах төв, НҮБ-ын Гамшгийн эрсдэлийг бууруулах газар зэрэг байгууллагаас нийт 70 гаруй төлөөлөгч оролцох гэнэ.
Азийн түншлэлийн хурал нь 2016 онд БНЭУ-ын Шинэ Дели хотноо болсон “Гамшгийн эрсдэлийг бууруулах Азийн сайд нарын анхдугаар бага хурал”-аас хойш зохион байгуулагдаж буй анхны бүс нутгийн хэмжээний хурал болж буйгаараа онцлогтой аж.
Тус хурал нь Азийн үс нутгийн төлөвлөгөө, оролцогч талуудын үүрэг амлалтыг хэрэгжүүлэх үйл ажиллагааны талаар мэдээлэл солилцох, Гамшгийн эрсдэлийг бууруулах Дэлхийн платформын үеэр батлагдах улс орнуудын Засгийн газар, бусад оролцогч талуудын төлөвлөгөөг эцсийн байдлаар хүлээн авч хянах, зорилготой юм байна.
Мөн 2018 онд Монгол Улсад зохион байгуулагдах “Гамшгийн эрсдэлийг бууруулах Азийн сайд нарын II бага хурал”-ын бэлтгэл ажлын талаар санал солилцох, улс орнуудын гамшгийн эрсдэлийн менежментийн үнэлгээний явцыг хянах, бүс нутаг дахь гамшгийн эрсдэлийг бууруулах чиглэлээр гаргаж буй хүчин чармайлт, шинэчлэлт, туршлагын талаар мэдээлэл солилцох ажээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
