Олон улсын сагсан бөмбөгийн холбооноос зохион байгуулж буй эрэгтэй багуудын 2029 оны Азийн аварга шалгаруулах тэмцээний урьдчилсан шатны D хэсгийн тоглолт өнөөдөр Монголд эхэлнэ.
“FIBA Asia Cup 2029 Pre-Qualifiers” тэмцээний урьдчилсан шатанд Монголын шигшээ баг Вьетнам, Фижи, Тайландын багуудтай тоглоно. Ш.Энхийн-Од, Г.Болор-Эрдэнэ, Д.Баясгалан, О.Эрдэнэцогт, Т.Ууганбаяр, С.Биндэрьяа, Ц.Азбаяр, Б.Барсболд нарын тамирчдаар бүрдсэн шигшээ баг өнөөдөр Вьетнамын багтай тоглох юм.
M bank arena-д болох Азийн аварга шалгаруулах тэмцээний урьдчилсан шатны эхний тоглолт 16.00 цагаас Тайланд, Фижигийн багийн тоглолтоор эхэлнэ. Харин манай шигшээ баг 19.00 цагаас Вьетнамын багтай тоглох юм.
