Англи бутниргэж, Америк Ираны багийг хожиж хэсгээсээ гарлаа

Англи бутниргэж, Америк Ираны багийг хожиж хэсгээсээ гарлаа

“Катар-2022” хөлбөмбөгийн ДАШТ-ий хэсгийн сүүлийн тоглолтууд өнгөрсөн шөнөөс эхэллээ. B хэсгийн сүүлийн тоглолт болсон бөгөөд тус хэсэгт Англи, Америк, Иран, Уэльс гэсэн багууд орсон юм.

Хэсгийг тэргүүлж байгаа Англи болон хэсгийн сүүлд бичигдэж байгаа Уэльс багууд тоглож 3-0 харьцаагаар Англи хожлоо. Тоглолтын салхийг Рэшфорд 50 минутад нээсэн бол үүнээс нэг минутын дараа буюу 51 минутад Фоден гоолджээ. Улмаар эцсийн цэгийг дахин Рэшфорд 68 минутад оруулж хэсгийг 7 оноогоор тэргүүлэх нь тодорхой болжээ.

Харин энэ хэсгийн нөгөө тоглолт Америк болон Ираны багуудын хооронд болжээ. Иран тэнцэхэд хангалттай байсан бол Америк заавал хожиж байж шөвгийн 16-д шалгарах байв. Гэвч 38 минутад Америкаас Кристиан Пулисик баруун жигүүрийн хамгаалагч Сержинио Дестийн дамжуулалтаар гоол оруулж тоглолтыг 1-0 харьцаагаар тэргүүлж эхэлсэн юм. Улмаар энэ тэргүүллээ хадгалж чадсанаар Америк хэсгээсээ гарлаа.

Тус хэсгийг Англи тэргүүлж Сенегалын багтай шөвгийн 16-д арванхоёрдугаар сарын 5-ны даваа гарагийн шөнө 03:00 цагт тоглох бол Америк А хэсгийг тэргүүлсэн Нидерландын багтай шөвгийн 16-д арванхоёрдугаар сарын 3-ны бямба гарагийн орой 23:00 цагт тоглоно.

ФОТО:

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.