Төрийн өмчит цэцэрлэгүүдээс анхлан 7-р цэцэрлэг усан бассейнтай боллоо

Төрийн өмчит цэцэрлэгүүдээс анхлан 7-р цэцэрлэг усан бассейнтай боллоо

Орхон аймаг шинэ оны ажлын эхний өдөр шинээр баригдсан  Яргуйт багийн 150 хүүхдийн цэцэрлэг болон 7-р цэцэрлэгийн усан бассейны нээлтүүдийг хийж ашиглалтад хүлээн авлаа. 

Монгол улсын хэмжээнд төрийн өмчийн 1432 цэцэрлэг байдаг. Үүнээс хамгийн анхны бассейнтай цэцэрлэг нь Орхон аймгийн 7 дугаар цэцэрлэг болж байгаа юм. 

1990 онд байгуулагдсан тус цэцэрлэг нь усан бассейнтай баригдсан хэдий ч үйл ажиллагаа нь зогсонг байсныг улсын төсвийн 2 тэрбум төгрөгөөр ийнхүү шинэчлэн засварлажээ. Ингэхдээ олон улсын стандартад нийцүүлэн тохижилтыг хийсэн байна. 

Цаашид энэхүү усан бассейны ашиглалтыг сайжруулж, цэцэрлэгийн насны хүүхдүүдэд зориулсан аймгийн хэмжээний усан спорт, эмчилгээний төв болгон үйл ажиллааг өргөтгөх, аймгийн бусад цэцэрлэгийн хүүхдүүдийг усан спортоор хичээллэж, эрүүлжих чийрэгжих нөхцөл, боломжийг бүрдүүлнэ гэдгийг онцолж байлаа. 

Мөн тус цэцэрлэгт тусгай хэрэгцээт 2 бүлгийг шинээр байгуулж хөгжлийн бэрхшээлтэй хүүхдүүдийг усан бариа, усан эмчилгээнд хамруулах ажлыг үе шаттайгаар зохион байгуулахаар төлөвлөж байгаа ажээ. 

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.