Хабиб Нурмагомедов 29 ялалт нэг ч ялагдалгүйгээр тулааны спортоос зодог тайллаа

Хабиб Нурмагомедов 29 ялалт нэг ч ялагдалгүйгээр тулааны спортоос зодог тайллаа

Холимог тулааны спортын хамгийн том холбоодын нэг UFC (Ultimate Fighting Championship)-гийн хөнгөн жингийн аварга 28-0 гэсэн амжилттай яваа Хабиб Нурмагомедов аваргын бүсээ хамгаалахаар Жастин Гэйжитэй тулалдлаа. Тус тулаан АНЭУ-ын Абу Даби хотын "Тулааны арал" хэмээн нэрлээд буй Яас арал дээр боллоо. Тоглолтын эхний үeд Жастин түүний барилдааныг дажгүй сайхан хамгаалж байсан боловч хэзээ хөлд суух бол гэсэн айдастай гар хөлөөс нь олигтой цохилт гарахгүй байсаар үeийн төгсгөлд давхар хамуулж газарт унаж байдал эвгүйтхийн наахан азаар цаг дуусав. Завсарлагааны үeэр Жастин маш их сандарсан мөн өндөр амьсгаатай бахардсан байдалтай дасгалжуулагч түүнийг тайван удаан гэж аргадаж байгаа харагдав. Хоёрдугаар үe эхэлж Хабиб түүнийг хөнгөхөөн газарт унагаж хөлийн гурвалжин боолтоор ялалт байгууллаа. Тэрбээр 32 настай бөгөөд 29 ялалт нэг ч ялагдалгүйгээр тулааны спортоос зодог тайллаа. Харин түүний өрсөлдөгч 31 настай Америк тамирчин Жастин Гейжигийн хувьд 22-3 амжилттай яваа ба UFC-гийн хөнгөн жингийн чансааны 7-д бичигдэж байгаа юм.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.