Л.Оюун-Эрдэнийг Монгол Улсын 32 дахь Ерөнхий сайдаар томиллоо

Л.Оюун-Эрдэнийг Монгол Улсын 32 дахь Ерөнхий сайдаар томиллоо

Засгийн газрын Хэрэг эрхлэх газрын даргын үүрэг гүйцэтгэгч Л.Оюун-Эрдэнийг Монгол Улсын 32 дахь Ерөнхий сайдаар томиллоо. УИХ-ын чуулганы хуралдаанд оролцсон 66 гишүүний 87.9 хувь нь Л.Оюун-Эрдэнийг Ерөнхий сайдаар томилохыг дэмжлээ. Тэрээр "Дөрвөн зүйл дээр анхаарч ажиллана гэж төлөвлөж байна. Нэгдүгээрт, цар тахал ба өнөөгийн нөхцөл байдлыг яаж даван туулах вэ гэдэг асуудал. Энэ хүрээнд вакцин оруулж ирэх, төсвийн алдагдлыг бууруулах, экспортоо нэмэгдүүлэх, онцгой байдлын менежментийг сайжруулах зэрэг асуудлууд багтана.

Хоёрдугаарт, эдийн засгийн асуудал тулгамдаж байна. Ямар чиглэлүүдийг дэмжиж энэ хүнд нөхцөлөөс гарах вэ, ААН-үүдээ яаж босгож ирэх вэ гэдэгтэй холбоотой томоохон зорилтуудыг дэвшүүлнэ.

Гуравдугаарт, иргэдийн амьдралын чанартай холбоотой асуудал бий. Дундаж орлоготой иргэдийг дэмжих үндэсний тогтолцоог сонгохоос өөр гарцгүй болсон. Орон сууцтай холбоотой томоохон зорилт дэвшүүлнэ гэж бодож байна. Энэ чиглэлээр явуулсан үе үеийн Засгийн газруудын сайн туршлагыг авч ажиллана.

Дөрөвдүгээрт, цахим засаглалтыг хэрэгжүүлж ажиллана. Ингэж байж төрийн албаны данхар бүтцийг өөрчилнө. 60-70 хүнтэй яамны 15-20 хүн нь ачаалал ихтэй байдаг гэлээ. 

Монгол Улсын 32 дахь Ерөнхий сайд Л.Оюун-Эрдэнийн намтрыг танилцуулъя.

Боловсрол:

  • 2001 онд "Бэрс" дээд сургууль, сэтгүүлч
  • 2005 онд Австралийн Мельбурнийн их сургууль, Олон улсын төсвийн менежментийн чиглэлээр мэргэжил дээшлүүлсэн
  • 2008 онд МУИС-ийн Хууль зүйн сургууль, эрх зүйч
  • 2008 онд МУБС-ийн Нийгмийн ухааны сургууль, боловсрол судлалын магистр
  • 2011 онд МУИС-ийн Улс төр, нийгмийн шинжлэх ухааны сургууль, улс төр судлаач
  • 2015 онд АНУ, Харвардын их сургуулийн Төрийн удирдлагын сургууль, магистр

Ажилласан байдал:

  • 2001 онд Хэнтий аймгийн Бэрх хотын захирагчийн албанд Тамгын газрын дарга
  • 2002 онд “Дэлхийн зөн Монгол” ОУБ-ын Хан Хэнтий нутгийн хөгжлийн хөтөлбөрийн удирдагч
  • 2006 онд “Дэлхийн зөн Монгол” ОУБ-ын Бүсийн захирал
  • 2008 онд Баянзүрх дүүргийн Нийгмийн бодлогын хэлтсийн дарга
  • 2009 онд МАН-ын Удирдах зөвлөлийн Хэрэг эрхлэх газрын дарга
  • 2016-2020 онд УИХ-ын гишүүн
  • 2019-2020 онд Засгийн газрын гишүүн, Монгол Улсын сайд, ЗГХЭГ-ын дарга
  • 2020 оноос УИХ-ын гишүүн
  • 2020 оноос Засгийн газрын гишүүн, Монгол Улсын сайд, ЗГХЭГ-ын дарга
ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.