Санхүүгийн зохицуулах хорооноос ББС-ийн салбарын зээлийн хүүг үе шаттай бууруулж, дөрвөн жилийн хугацаанд одоогийн байгаа төвшнөөс хоёр дахин багагасгах бодлого барьж буйгаа өнөөдөр зарлалаа. УИХ-аас баталсан “Эдийн засгийг сэргээх хөтөлбөр”-т макро эдийн засгийн тогтвортой байдал, бодит өсөлтийг дэмжих хүүгийн уян хатан бодлого хэрэгжүүлэх, зээлийн хугацааг уртасгаж, хүүг бууруулах талаар тодорхой зорилтууд туссан.

Эдгээр зорилтуудыг хэрэгжүүлэх хүрээнд СЗХ-ноос Улаанбаатар хотод ширээн байгуулагдах ББСБ-ын хувь нийлүүлсэн хөрөнгийн доод хэмжээг 2.5 тэрбум төгрөг болгох шийдвэрийг гаргажээ. Өнгөрсөн аравдугаар сард гарсан уг шийдвэр эдийн засгийн нөхцөл байдал хүндэрсэн энэ цаг үед санхүүгийн зах зээлийн тогтвортой байдлыг хангах, ББСБ-ын чадавхи, цар хүрээ, хүртээмжийг өргөжүүлэх ач холбогдолтойн дээр зээлийн хүүг бууруулах бодит нөлөө үзүүлэх юм байна.

ББСБ-уудын хувь нийлүүлсэн хөрөнгийн өсөлт болоод зээлийн хүүгийн бууралтын хооронд шууд хамаарал байгаа нь судалгаагаар тогтоогдсон аж. Өнөөдрийн байдлаар хувь нийлүүлсэн хөрөнгийн доод хэмжээ нь 800 сая төгрөгөөс ба ББСБ-уудын зээлийн дундаж хүү 4.5 хувь байгаа юм байна. Харин 2.5 тэрбумаас их хөрөнгөтэй ББСБ-уудынх 3.3 хувийн хүүтэй байгаа аж. Улмаар жигнэсэн дундаж хүү сарын 4.3, жилийн 51.6 хувв байгаа нь 800 сая төгрөгөөс баг хувь нийлүүлсэн хөрөнгөтэй ББСБ олон байгаатай холбооотой юм байна.

Тодорхой хэлбэл, Улаанбаатар хотын хэмжээнд 800 сая төгрөгийн хөрөнгтэй 500 орчим ББСБ байгаа бол 2.5 тэрбумын хөрөнгөтэй 30 гаруйхан байгууллага бий аж. Тэгвэл ББСБ-уудын хувь нийлүүлсэн хөрөнгийн хэмжээг шинэчлэн тогтоосноос хойш гурван аж ахуйн нэгж үйл ажиллагаа эрхлэх тусгай зөвшөөрлөө аваад ажиллаж байгаа юм байна.