“Монголын Ипотекийн Корпораци ОССК” ХХК (МИК ОССК) Олон улсын зах зээл дээр гаргасан 225 сая ам.долларын бондын хоёр дахь купоны төлбөрийг энэ оны 1 дүгээр сарын 18-ны өдөр хуваарийн дагуу амжилттай төллөө. Өнгөрсөн оны 1 дүгээр сарын 18-ны өдөр "МИК ОССК" ХХК, “Deutsche Bank AG”, “Korea Investment & Securities Asia Limited” болон дотоодын зөвлөх компани "Ти Ди Би Секьюритис ҮЦК" ХХК-тай хамтран 225 сая ам.долларын “Хулан” бондыг олон улсын зах зээл дээр арилжаалсан бөгөөд олон улсын хөрөнгийн зах зээлээс амжилттай татан төвлөрүүлсэн 3 дахь бонд болсон юм.