ОХУ-д Монгол Улсаас суух онц бөгөөд бүрэн эрхт Элчин сайд Б.Дэлгэрмаа ажлын байрандаа тохь тухтай орчинг бүрдүүлэх зорилгоор хагас подвалдаа иж бүрэн засвар хийжээ.  Засварыг  Москва хотод үйл ажиллагаа явуулдаг А.Сарангэрэл захиралтай “Интермедика” компани гүйцэтгэж, өнгөрсөн сарын 28-нд хүлээлгэн өгсөн байна.  

 Улмаар подвалыг  засч дууссан баяраа ЭСЯ-ынхан тун чиг өргөн хүрээнд тэмдэглэн өнгөрүүлсэн сурагтай.  Тусгайлан ширээ засч, идээ ундаа бэлтгэн босоо хүлээн авалт зохион байгуулсны зэрэгцээ тууз хайчлан “сүржигнэсэн” гэнэ. 

Тус ЭСЯ 1956 онд одоогийн байрандаа үйл ажиллагаагаа явуулж эхэлснээс хойш анх удаагаа подвалдаа иж бүрэн засвар хийсэн нь энэ аж. ОХУ-д суух цөөхөн дипломатчдын нэг тэрбээр эмэгтэй хүн гэсэндээ 60 жил ашиглагдсан хагас подвалдаа  салхи оруулж, агааржуулалтын системтэй болгон цахилгаан, сантехник, шал, хана, цонхыг шинэчилжээ.

Амьдрах орчноо сайжруулсанг нь буруутгах аргагүй ч, полвал засах төдийд  тууз хайчлаад байвал цаашдаа  "баярт үйл явдал" барагдахгүй нь байна шүү.