Эрүүл мэндийн сайд асан Г.Шийлэгдамба ажлынхаа өрөөнд 500 сая төгрөгийн хахуул авч байгаад үйлдэл дээрээ АТГ-ын албан хаагчдад баривчлагдсан билээ.

Түүнийг шүүх хурал энэ сарын 12-нд болох байсан ч хойшлогдсон юм. Учир нь Г.Шийлэгдамбын өмгөөлөгч Б.Энхзаяа, шүүгдэгч Г.Ганчимэгийн өмгөөлөгч Б.Баатарсайхан нар нь эрүүл мэндийн шалтгааны улмаас шүүх хуралдаанд оролцох боломжгүй талаар шүүхэд бичгээр мэдэгдэж энэ талаарх баримтаа хүсэлтийн хамт ирүүлсэн. Үүний дагуу шүүх хурлыг энэ сарын 22-нд болгон хойшлуулсан юм.  Тэгвэл түүнд холбогдох шүүх хурал өглөөний 09:00 цагт эхэлсэн ч дахин хойшиллоо. Шүүх хурлыг 2017 оны долдугаар сарын 06-ны өдрийн 09-00 цаг хүртэл хугацаагаар хойшлуулжээ.

Түүнийг Эрүүгийн хуулийн тусгай ангийн 268 дугаар зүйлийн 268.2, Г.Ганчимэгийг мөн хуулийн тусгай ангийн 268 дугаар зүйлийн 268.2, 269 дүгээр зүйлийн 269.1, С.Насанбатыг Эрүүгийн хуулийн тусгай ангийн 268 дугаар зүйлийн 268.2-т заасан гэмт хэрэгт буруутган шүүж байгаа аж.