Хойд Америкийн үндэсний сагсан бөмбөгийн холбооны финалын цувралд Кливлэнд Кавальерс болон Голдэн Стэйт Уорриорс багууд үлдээд байсан билээ.Тэгвэл тус цувралын тав дахь тоглолт Оракл Аренад явагдаж 129:120 харьцаатай талбай дээрээ Уорриорс ялалт байгуулснаар аварга болсон.

Энэхүү тоглолтод Кливлэнд Кавальерс багийн гол тоглогч Лэброн Жэймс 41 оноо, 13 самбар, 8 оновчтой дамжуулалт өгч NBA аваргын төлөөх тоглолтод трибл дабл дунджилсан анхны тоглогч болсон юм. Тэрбээр цувралд хоёр ч тоглолтод трибл дабл гүйцэтгэсэн бөгөөд финалын тоглолт есөн удаа трибл дабл хийсэн цор ганц тоглогч болсон байна.