БНХАУ-ын Ерөнхийлөгч Си Зиньпин Өмнөд Солонгосын шинэ Ерөнхийлөгч Мүн Жэ Ин рүү утсаар ярьж, сонгуульд ялалт байгуулсанд нь баяр хүргэжээ.

Улмаар хоёр улсын хамтын ажиллагааг бэхжүүлж, аливаа асуудлыг хууль ёсны ашиг сонирхол, харилцан ойлголцол, итгэлцэлд үндэслэн шийдвэрлэх шаардлагатай байгааг энэ үеэр Си Зиньпин онцолсон байна.

Түүнчлэн, БНХАУ-ын Төрийн мэдлийн Синьхуа агентлаг Си дарга ярианыхаа явцад БНСУ-БНХАУ хоёр улсын харилцааг үргэлж эрхэмлэж ирснээ дурьдсан тухай дамжуулжээ.

БНХАУ Хойд Солонгосын нөхцөл байдалтай холбоотойгоор АНУ Өмнөд Солонгост пуужин эсэргүүцэгч THAAD системийг байрлуулахыг эсэргүүцэгч юм.

Энэ удаа БНСУ-ын Ерөнхийлөгчөөр сонгогдсон Мүн Жэ Ин ч уг системийн эсрэг байр суурьтай байдаг байна.