"Их хорь"-ийн дараа "Их долоо" нь “Токио-2020” олимпийг дэмжихээ илэрхийлэв

“Токио-2020” олимпийн наадмыг аюулгүй, баталгаатай замаар энэ зун зохион байгуулж, даян дэлхийд Ковид-19 цар тахлыг даван туулсан хүн төрөлхтний эв нэгдлийн билэг тэмдгийг илтгэн харуулахын төлөө Япон улсын хүчин зүтгэлийг Их долоо (G7)-гийн удирдагчид дэмжиж буйгаа илэрхийлснийг ОУОХ-ны Ерөнхийлөгч Томас Бах талархан хүлээж авлаа.
 
Ерөнхийлөгч Томас Бах "ОУОХ-ны хамт олон бид итгэл найдвар, урам зориг хайрласан энэхүү мэдэгдэлд нэн талархалтай хандаж байна. “Токио-2020” Зохион байгуулах хороо, Японы Засгийн газартай хамтран бүх оролцогчдын аюулгүй нөхцлийг баталгаатай хангасан олимпийн наадам зохион байгуулахын төлөө урьд урьдынхаас илүү хүчин чадлаа дайчлан ажиллах үйл хэргийг урамшуулан дэмжсэн сайхан үйл явдал боллоо." гэж мэдэгджээ.
 
Их долоо (G7)-гийн мэдэгдлээс өмнө 2020 оны XI сард Их хорь (G20) -ийн удирдагчид мөн “Токио-2020” зуны XXXII олимпийн наадам, “Бээжин-2022” өвлийн XXIV олимпийн наадмыг бүрэн дэмжихээ илэрхийлсэн мэдэгдэл гаргасан юм. Харин Их долоогоос хасагдсан ОХУ-ын баг тамирчдыг “Токио-2020”, “Бээжин-2022” олимпод “ROC” (Russian Olympic Committee) гэсэн нэрийн дор оролцуулахаар ОУОХ шийдвэрлэсэн байна.
ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.