Испанийн “Реал Мадрид” клубын довтлогч Карим Бензема Францийн шигшээ багийн бүрэлдэхүүнд багтсангүй. Түүнийг 2016 оны Европын аваргын өмнө шигшээ багийн анд Матью Вальбуэнаг сүрдүүлж, мөнгө нэхсэн хэмээн үзэж,  Францийн төлөө тоглох эрхийг нь хасаад байсан.

Гэвч сүүлд Францын Хөлбөмбөгийн холбоо түүнийг буцаад шигшээ багтаа тоглож болно гэж хэлсэн. Téléfoot-ын мэдээлснээр өдгөө 29 настай довтлогчийг шигшээ багийн дасгалжуулагч Дидье Дешам урьдчилсан бүрэлдэхүүнд багтаагаад байсан аж. Гэвч Францын ард иргэд түүнийг шигшээ багт тоглуулахыг эсэргүүцсэн юм. Тиймээс Бензема ямар ч байсан энэ сард болох шигшээ багийн тоглолтуудад оролцохгүй нь.

Ингэснээр “Монако” клубын залуу довтлогч Килиан Мбаппе шигшээ багт дуудагдах боломжтой болж байгаа аж. Францын шигшээ баг энэ сарын 25-нд дэлхийн аваргын урьдчилсан шатны хүрээнд Люксембургтэй тоглох юм. Мөн 28-ны өдөр Испанийн шигшээтэй нөхөрсөг тоглолт хийж ажээ.