Испанийн алдарт “Реал Мадрид” 16 дугаар тойрогт хийх ёстой байсан нөхөн тоглолтоо өнгөрсөн шөнө “Валенсия”-тай хийж, 2:1-ээр хожигдсон билээ. Энэ тоглолтод “Реал Мадрид”-ын нэг гоолыг Роналдо оруулсан.

Ингэснээр Мадрид хотын баг 43 тоглолт дараалан гоол оруулж, багийнхаа шинэ дээд амжилтыг тогтоолоо. Хамгийн сүүлд “Реал” 2016 оны дөрөвдүгээр сарын 26-нд Аваргуудын лигт “Манчестер Сити”-тэй 0:0-ээр тэнцсэн. Түүнээс хойш Зиданы баг 42 тоглолт хийж, 113  гоол оруулаад байна.

“Реал” дахин нэг тоглолтод гоол оруулахад, “Барселона”-гийн амжилттай зэрэгцэж ирэх юм. “Барселона” 1942-1943, 1943-1944 оны улиралд дараалан 44 тоглолтод гоолдож, дээд амжилт тогтоож байжээ.