Хилтон зочид буудлын өв залгамжлагч, DJ Парис Хилтон жүжигчин Крис Зилкатай дурлалын романс үүсгэж эхэлжээ. Энэ сарын 17-нд Холливудын чинээлэг, авъяаслаг бүсгүйн 36 насны төрсөн өдөр тохиосон. Тэгвэл эл баяраа угтан өмнөх өдөр нь төрсөн өдрийн үдэшлэг зохиож, түүндээ Крис Зилкагийн хамтаар хүрэлцэн ирсэн байх юм. Бүсгүй ч үдэшлэгийн зураг болон “Төрсөн өдрийн дуу” дуулж буй бичлэгийг өөрийн сошиал сүлжээндээ нийтэлж,  Крисийн зургийг “Миний Валентин” гэх зүүлттэйгээр оруулжээ.

Мөн хосууд Лос-Анжелес хотын нисэх онгоцны буудалд хөтлөлцөн явж байгаад папарацчдын дуранд хүртэл өртөөд амжсан байна.  Ямартай ч, “Гайхамшигт хүн аалз” киноныхоо дүрээр манай уншигчдад илүүтэй танигддаг жүжигчин Крис Зилка энэ удаа Парис Хилтонтой учир ургуулж эхэлсэн бололтой.