Малайзын цагдаагийн газраас өчигдөр зарласан хэвлэлийн хурлын үеэр Хойд Солонгосын удирдагч Ким Жон Уны эцэг нэгт ах Ким Жон Намыг хөнөөсөн хэргийн сэжигтнүүдийн талаар мэдээлжээ. Улмаар  хэрэг гарсан өдөр буюу энэ сарын 13-нд Малайзыг орхисон Хойд Солонгос гаралтай дөрвөн эрэгтэйг эл хэрэгт холбогдуулан эрэн сурвалжилж эхэлсэн талаар мэдээлсэн байна. Мөн тэдний зургийг олон нийтэд ил болголоо.

Малайзын цагдаагийн газрын дарга Нур Рашид Ибрахим дээрх дөрвөн этгээд 33-57 насныхан байжээ. Түүнээс гадна хэрэгт холбоотой гурван эрэгтэйг мөн эрэн сурвалжилж байгаа гэнэ.

Одоогоор Ри Жон Чол гэгч 46 настай эрэгтэй болон Вьетнам, Индонезийн хоёр эмэгтэй, нэг малайз эр гээд нийт дөрвөн хүнийг цагдаагийнхан баривчлаад байна.