“Америкийг дахин аугаа гүрэн” болгоно гэх уриаг дэвшүүлэн сонгуульд оролцож ялалт байгуулсан тус улсын 45 дахь Ерөнхийлөгч Д.Трампын мөрийн хөтөлбөрийнх нь нэгэн олны анхаарал татсан амлалт нь “Мусульман шашинтнуудыг улсын хил рүү нэвтрүүлэхгүй” гэх мэдэгдэл юм.

Тэгвэл Ерөнхийлөгчийн тангараг өргөснийхөө дараагаас эхлэн Д.Трамп зарим лалын шашинтай улсын иргэдийг АНУ-руу нэвтрэхийг хориглосон хуулийн төсөлд гарын үсэг зурсан байна. Тэрбээр Сири, Ирак, Иран, Ливи, Сомали, Судан болон Йемен улсын иргэдэд виз олгохоос татгалзсан ажээ.

АНУ-ын Цагаачлалын асуудал хариуцсан агентлаг “Ойрхи Дорнодын зургаан орон, Африкийн хэд хэдэн орон энэхүү хоригт  багтсан болно” гэж мэдэгдсэн байна. Мөн АНУ-Мексикийн хилд хана босгох тухай зарлигийг ч шинэ Ерөнхийлөгч үзэглээд байгаа юм.