“Кардашианыхан” гэх реалити шоугаараа дэлхий нийтэд танигдсан гэр бүлийнхний цорын ганц эрэгтэй болох Роб Кардашиан хаягджээ. Тэрбээр халуухан загвар өмсөгчдийн нэг Блак Чайнатай өнгөрөгч нэгдүгээр сараас эхлэн болзож эхэлсэн бөгөөд түүнээс хойш ердөө дөрвөн сарын дараа сүй тавьж, өнгөрөгч сард бяцхан охиноо өлгийдөн авсан юм. Тэгвэл хүүхдээ төрснөөс хойш төд удалгүй бүсгүй Р.Кардашианыг хаяжээ.

 Тэрбээр хүүхдээ өөр дээрээ өсгөхөөр авч явсан гэнэ. Харин Р.Кардашианы тухайд ганц буйдан сандлаас өөр тавилгагүй хоосон өрөөнд авсан сельфи зургаа олон нийтэд дэлгэж, салсанаа зарласан удаатай.  Гэхдээ хосууд зүгээр ч нэг салаагүй бололтой. Учир нь загвар өмсөгч бүсгүй инстаграмм хуудсаа хакердуулж, түүний бүхий л хувийн мессеж олонд ил болсон юм.

Харин үүнээс Блак Чайна Р.Кардашианд өчүүхэн төдий ч хайргүй бөгөөд ердөө л бизнесийн зорилгоор ойртсон байсан нь тодорхой болсон байна.  Мөн найзууд руугаа түүнийг элдвээр доромжлон бичиж, “Жил болоод л салчихна шүү дээ” гэх зэргээр мессеж илгээсэн байжээ.