Латин бүжгийн Дэлхийн аварга шалгаруулах тэмцээн ХБНГУлсын Бремен хотод болсон. Тус тэмцээнд эх орноо төлөөлөн “Moon dance” хамтлаг оролцож, шагналт V байрыг эзэлсэн билээ. Тэд эхний шалгаруулалтаас шилдэг 12-т үлдэж, улмаар дахин бүжиглэхдээ зургаад үлдэж чадсан юм. Финалын шалгаруулалтад ОХУ, Германы хоёр, Польш, Монголын баг үлдээд байсан. Ингээд эцсийн дүн гарахад,  Ороc, Германы багууд медальт байрт шалгарсан бол “Moon dance” хамтлаг шагналт V байрыг эзэлсэн юм. 

Манай бүжигчид өнгөрсөн жилийн дэлхийн аваргад VII байрыг эзэлж байсан бөгөөд энэ жил анх удаа финалд үлдлээ. Тэгвэл дэлхийн хэмжээний том тэмцээнд өндөр амжилт үзүүлсэн тус хамтлагийнхан өнөөдөр эх орондоо ирэх ажээ.