“Coldplay” хамтлагийн тоглолтын үеэр тун гайхалтай явдал болжээ. Тус хамтлагийн нэгэн шүтэн бишрэгч уран бүтээлд нь шимтдэг хамтлаг хийгээд дуучин Крис Мартины өмнө буюу тоглолтын тайз дээр гурван жилийн турш үерхсэн найз бүсгүйдээ гэрлэх санал тавьсан байна. Энэ явдал өчигдөр оройн тоглолт дээр болжээ.

Тус хамтлаг Мельбурн хотын Этихад цэнгэлдэх хүрээлэнд тоглолт хийсэн бөгөөд тус цэнгэлдэхэд багтахгүй шахам олон үзэгчид цугларсан байжээ. Гэвч нэгэн эр зоригтойгоор гарч ирэн “Хайртдаа өнгөрсөн гурван жил миний дэргэд байсанд нь талархах гэсэн юм. Намайг өөрчилсөнд баярлалаа. Колдплэй хамтлагийн тоглолтын яг дундуур миний сайн найз Крис, энд байгаа бүх хүний өмнө чамдаа хайртай гэх ганц үгийг л хэлэхийг хүслээ. Надтай гэрлээч” гэж хэлэн өвдөг дээрээ сөгдсөн байна. Энэ явдлыг хамтлагийнхан ч зөвшөөрч, бүр Крис Мартин хосуудад зориулан “A sky full of stars” гэх дуугаа дуулж өгчээ. Ийнхүү дэлхийн нэгэн алдартай хамтлаг шүтэн бишрэгчийнхээ хайр сэтгэлийн гэрч болсон байна.