Английн премьер лигийн 14 дүгээр тойргийн хүрээнд “Манчестер Сити” клуб талбайдаа “Челси”-г хүлээж авч,  1:3-аар хожигдсон билээ. Тэгвэл тоглолтын төгсгөлд “Сити”-гийн довтлогч Сержио Агуэро “Челси”-гийн хамгаалагч Давид Луйз дээр бүдүүлэг алдаа гаргасан. Үүнээс үүдээд хоёр багийн тоглогчдын дунд багахан зөрчилдөөн болсон.

Энэ үеэр “Сити”-гийн хагас хамгаалагч Фернандиньо “Челси”-гийн хагас Фабрегасыг багалзуурдаж, сурталчилгааны самбар руу түлхсэн юм. Үүнээс үүдээд Агуэро, Фернандиньо нар улаан хуудас авч, талбайг чөлөөлсөн.

Тэгвэл Английн Хөлбөмбөгийн холбооноос Агуэрог 4, Фернандиньог гурван тоглолтоор бандлаа. Ингэснээр “Сити”-гийн хоёр гол тоглогч 3-4 тоглолт өнжих нь.