С.Жавхлан: Хар хорхой шиг хувцастай хүмүүс дотор жаахан жихүүдэс төрж байсан
Олон сайхан уран бүтээл туурвиж ард түмнээ баясгаж явсан МУГЖ С.Жавхлан эдүгээ төр түмнийхээ төлөө зүтгэх төрийн зүтгэлтэн болсон билээ. 2016 оны УИХ-ын сонгуульд тойрогтоо илт давуу гарч ирсэн тэрбээр сүүлийн үед парламентын танхимд тоотойхон харагдах болсон гэхэд хэлсдэхгүй биз.
Түүний үе үехэн чуулганы хуралдаан тасалдаг байдлыг ажигласан зарим нэгэн “С.Жавхлан улс төр аргагүй мэдэхгүй байна. Мэдэхгүй болохоороо хэлэх үг нь ч олдохгүй чуулганаа таслах боллоо” гэхэд нөгөө хэсэг нь УИХ-ын гишүүн “С.Жавхлан төрийн ордонд ганцаардаж байна” хэмээн хүртэл ярьж буй.
Тэгвэл тэрбээр, нэгэн сэтгүүлчийн сонгогдсоныхоо дараа үнэмлэхээ гардаж аваад Төрийн ордонд тангараг өргөж байлаа. Тэр үед танд юу бодогдож байв гэх асуултад “Төрийн ордонд дүүрэн хар хорхой шиг хувцастай хүмүүс дотор жаахан жихүүдэс төрж байсан шүү.
Тэдний нүдний харцнаас өгсүүлээд. Монголын төр гэхээсээ илүү үүрэг хариуцлага, цадиг жудагаа үл огоорсон хүмүүсийн бөөгнөрөл дотор орлоо гэж өөрийгөө бодсон. Ер нь тэгээд төрт ёс, сэтгэл жудаг нь алдарсан улс оронд байгаа юм биш үү. Үүнийг л илүү мэдэрсэн дээ” хэмээн хариулжээ. Ямартай ч эрхэм гишүүн Төрийн ордонд их л ганцаардаж яваа сурагтай.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
