Ядуу хүн л хамгийн сайхан сэтгэлтэй байдаг гэх үг бий. Тэгвэл тэтгэвэртээ гарсан нэгэн хөгшин  эрчимт эмчилгээний тасагт хэвтэн эмчлүүлж буй дутуу төрсөн нярай хүүхдүүдэд  дулаан малгай бэлэглэжээ. Эд Мосели гэх хөгшин эдүгээ 86 настай.

Тэрбээр насаараа инженер хийсэн ч, насны эцэст гавьяаныхаа амралтад сууж, дуртай ажлаа хийж чадахгүйд хүрчээ. Гэсэн ч, өөрийгөө шинэ зүйлд зориулан шинэ хоббитой болсон нь ноосон малгай нэхэх аж. Эд АНУ-ын Жоржиа мужийн Асворт дахь өндөр настны хамтын нийгэмлэгийн гишүүн гэнэ.

Тэрбээр саяхнаас ноосон малгай нэхэхийг сурсанаас хойш Нортсайд гэх эмнэлэгийн эрчимт эмчилгээний тасагт хэвтэн эмчлүүлж буй дутуу  төрсөн нярай хүүхдэд зориулан ноосон малгай нэхэж эхэлжээ.  Хөгшин өөрөө өнгө өнгийн 50 гаруй малгай нэхсэн аж. Гэсэн ч, бусдад туслах сэтгэлээр энэхүү ажилдаа илүү олон хүнийг хамруулж, хамтын нийгэмлэгийнхээ хөгшчүүд, найз нөхөд, бүр ач охиноо хүртэл оролцуулан малгай нэхэхийг зааж маш олон хүүхдэд тусалжээ. Одоогоор  300 гаруй бяцхан нярай ноосон малгайгаа хүлээн аваад буй гэнэ.