ОХУ-ын Ерөнхийлөгч В.Путин их хэмжээний авлига авсан хэрэгт сэжиглэгдэн баривчлагдсан Эдийн засгийн хөгжлийн сайд Алексей Улюкаевыг албан тушаалаас нь огцрууллаа.  Ерөнхийлөгчийн хэвлэлийн төлөөлөгч Дмитрий Песков энэ талаар олон нийтэд мэдээлсэн байна.

Алексей Улюкаев “Роснефт” компаниас хоёр сая ам.долларын авлига авсан хэрэгт сэжиглэгдсэн бөгөөд шүүхээс түүнийг ирэх оны нэгдүгээр сарын 15-наас хоёр сарын хугацаанд гэрийн хорионд оруулах шийдвэрийг гаргажээ.  Тэрбээр В.Путиныг 2000 онд Ерөнхийлөгчөөр сонгогдсоноос хойш авлигын хэрэгт орооцолдсон анхны төрийн дээд албан тушаалтан болж байгаа юм.