Өнөө цагт уртын дуугаа уламжлан хойч ирээдүйдээ таниулан өвлүүлэх их үйлсэд хувь нэмрээ оруулж яваа уран бүтээлчдийн нэг бол  уртын дуучин, МУСТА Д.Жавхаасайхан, Д.Үүрийнтуяа нар. Уртын дуучин хосууд урлагийн ертөнцөд монгол үндэсний язгуур урлагийг уламжлан, шинэчилж, өвлүүлэн хөгжүүлэх, зорилготой ардын уртын болон богино харилцаа дууг сэргээн дуулдаг билээ.

Тэгвэл СТА Д.Жавхаасайхан өөрийн цахим хуудсаараа дамжуулан “Авьяаслаг Монголчууд” шоуны шилдэг оролцогч уртын дууч М.Дүгэрсүрэнтэй хамтарч уран бүтээл хийхээ мэдэгдлээ. Тэрбээр, “Авьяаслаг Монголчууд” шоуны шилдэг оролцогч М.Дүгэрсүрэн ахтай уулзлаа. Сэтгэл санаа өөдрөг, гүндүүгүй сайхан эр юм аа. Хамтарч уран бүтээл хийх боллоо. Тун удахгүй та бүхэндээ хүргэх болно” хэмээжээ.  

Тус шоуны оролцогч М.Дүгэрсүрэн шилдэг наймд шалгарсан ч эцсийн шалгаруулалтад тэнцэхгүй гэх үнэлгээг шүүгчдээс авсан билээ. Шүүгчдийн шийдвэр үзэгчдийн дургүйцлыг нэлээд хүргээд буй. Тэгвэл СТА Д.Жавхаасайхан ч “Паартай байшин, паалантай суултуур дээрээс уртын дуучин тэр болгон төрөхгүй л байх шүү” хэмээн өөрийн үзэл бодлоо илэрхийлжээ.

Ямартай ч, үзэгчдийн хайр хүндэтгэлийг хүлээсэн утын дууч М.Дүгэрсүрэн шинэхэн уран бүтээлээрээ тун удахгүй уулзах бололтой. Харин тэдний уран бүтээл уртын дуу байх уу, ардын дуу байх уу гэдэг нь  нууц хэвээр байна.