Хөлбөмбөгийн хамгийн нэр хүндтэй тэмцээн болох Аваргуудын лигийн хагас шигшээ шатны сүүлийн хариу тоглолт өнгөрсөн шөнө боллоо. Тус тоглолт Германы Байерн Мюнхен клубын талбайд болсон бөгөөд тэдний өрсөлдөгч нь өнгөрсөн жилийн аварга баг Францын Парис Сен-Жермен клубтэй тоглож 1-1 харьцаагаар тэнцжээ.

Улмаар хоёр тоглолтын нийлбэр дүнгээр 5-6 харьцаагаар Парисын баг ялалт байгуулж аваргын төлөө хоёр жил дараалж шалгарч үлдлээ.

Өнөөдрийн тоглолтод Усман Дембеле 3 дахь минутад онооны тэргүүллийг авсан бөгөөд тэнцээний гоолыг 90+4 минутад Харри Кейн оруулсан байна.

Аваргуудын лигийн аваргын төлөө Английн Арсенал болон Францын Парис Сен-Жермен үлдээд байгаа бөгөөд тус тоглолт тавдугаар сарын 30-ны өдөр Унгар улсын Будапешт хотын Пушкаш цэнгэлдэхэд болно.